2019 ވަނަ އަހަރު ލޯކަލް ކައުންސިލް ރޭންކިން ލ. އަތޮޅުން ތިންވަނައިގައި މާބައިދޫ ކައުންސިލް

ލޯކަލް ކައުންސިލްތަކުގެ ރޭންކިންގް 26 ފެބްރުވަރީ 2021 ދުވަހު އެލްޖީއޭގެ ވެބްސައިޓުގައި އާންމުކޮށްފައިވާއިރު ލ. އަތޮޅުން ތިންވަނަ މާބައިދޫ ކައުންސިލުން ހޯދައިފިއެވެ. މިއީ އަތޮޅުގެ ރޭންކަށް ބަލާއިރު ވިދިވިދިގެން މާބައިދޫ ކައުންސިލް އަތޮޅުގެ 2 ވަނަ އަދި 3 ވަނާގައި ހިމެނޭތާ ތިންވަނަ ފަހަރެވެ.

އެލްޖީއޭއިން އިއްޔެ އާންމުކޮށްފައިވަނީ 2019 ވަނަ އަހަރުގެ ކައުންސިލްތަކުގެ ޕަރފޯމަންސް އެވެ.

2019 ވަނަ އަހަރުގެ ރޭންކިން އަށް ބަލާއިރު ލ. އަތޮޅުގެ ކައުންސިލްތަކުގެ ތެރެއިން އެއްވަނައިގައި ލ. މުންޑޫ ކައުންސިލް އޮތްއިރު، ދެވަނައިގައި އޮތީ ކަލައިދޫ ކައުންސިލެވެ.

ވޭތުވެ ދިޔަ 2017 އަދި 2018 އަހަރުގެ ރޭންކިން އަށް ބަލާއިރު ލ. އަތޮޅުގެ ކައުންސިލްތަކުގެ ތެރެއިން ދެވަނަ  މާބައިދޫ ކައުންސިލް ވިދިވިދިގެން ދެއަހަރު ވަނީ ހޯދާފައެވެ.

ލ. އަތޮޅުގެ ރޭންކިން 2018

ލ. އަތޮޅުގެ ރޭންކިން 2017

ލޯކަލް ކައުންސިލް ރޭންކިންގ މިންކުރުމުގައި އެލްޖީއޭއިން ބަލަނީ، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނަށް އަމަލުކުރުމާއި، އިފެކްޓިވްނެސްއަށާއި، ޕާޓިސިޕޭޝަން އަދި އެކައުންޓަބިލިޓީގެ އިތުރުން ސެކިއުރިޓީ އަށެވެ.

މިހާރު ހިނގަމުން މިދަނީ ކައުންސިލްތަކުގެ ތިންވަނަ ދައުރެވެ. ތިންވަނަ ދައުރަށް ކައުންސިލްތައް ހުވައިކޮށްފައިވަނީ 2017 ވަނަ އަހަރުގެ ޖޫންމަހުގެ ތެރޭގައެވެ.